ელენე კიკალია

ელენე კიკალიას აქვს საბანკო სამართლის, მარეგულირებელ მოთხოვნებთან შესაბამისობისა და ფინანსური სერვისების სფეროში 5 წელზე მეტი ხნის პროფესიული გამოცდილება. როგორც უფროსი იურისტი და შესაბამისობის ოფიცერი, ელენე ფლობს ფინანსური სექტორის სამართლებრივი საკითხების სიღრმისეულ ცოდნას. მისი პრაქტიკა მოიცავს იურიდიული რისკების შეფასებას, შესაბამისობის პოლიტიკის შემუშავებასა და რთული კომერციული თუ პარტნიორული ხელშეკრულებების მომზადება-შეთანხმებას.

ელენეს კარიერა მოიცავს საქართველოს წამყვან ფინანსურ ინსტიტუტებში მუშაობის წარმატებულ ისტორიას. „პაშა ბანკ საქართველოში“ წამყვანი იურისტის პოზიციაზე მუშაობისას, იგი უზრუნველყოფდა იურიდიულ მხარდაჭერას შესაბამისობის, კომერციული გარიგებებისა და შრომის სამართლის მიმართულებით. „საქართველოს ბანკში“ ის უზრუნველყოფდა ბანკის ინტერესების დაცვას კომერციულ დავებსა და სასამართლო პროცესებში. კარიერის ადრეულ ეტაპზე ელენე კორპორაციულ იურიდიულ კონსალტინგს უწევდა კომპანიას Synergy – Capital Growth Company, სადაც ფინანსური და ბიზნეს სამართლის საკითხებზე მუშაობდა.

საბანკო რეგულაციების, შესაბამისობისა და დავების გადაწყვეტის მიმართულებით არსებული ფართო გამოცდილების წყალობით, ელენე ნებისმიერ სამართლებრივ გამოწვევას საქმეზე ორიენტირებული და პრინციპული მიდგომით აგვარებს.

ელენე ფლობს ივანე ჯავახიშვილის სახელობის თბილისის სახელმწიფო უნივერსიტეტის სამართლის ბაკალავრისა და კერძო სამართლის მაგისტრის აკადემიურ ხარისხებს. 2022 წლის ოქტომბრიდან არის საქართველოს ადვოკატთა ასოციაციის სერტიფიცირებული ადვოკატი სამოქალაქო სამართლის სპეციალიზაციით. პროფესიულ საქმიანობას იგი თავისუფლად წარმართავს ქართულ, ინგლისურ, ფრანგულ და რუსულ ენებზე.